تامر حسني يسترجع ذكريات طفولته بالكونسيرفاتوار:«يا نهار الشوق»

0 8

استرجع الفنان تامر حسني، ذكريات طفولته خلال دراسته الموسيقى في الكونسيرفاتوار، وذلك بعدما شاهد أطفال في نفس موقفه.

وشارك الفنان متابعيه بصورة له مسترجعًا تلك اللحظات، عبر حسابه على موقع التواصل الاجتماعي «فيسبوك»: معلقًا: «يا نهار الشوق على اجمل ناس الصوره دي من تصوير إعلان جديد ليا بس تعنيلي كتير أوي، عشان كدا حبيت أكلمكم عليها وبعد ما أخلص كلام هتتأكدوا انها تعنيلكوا انتوا كمان».
وأضاف: «من سنين كنت مكان الأطفال الجميلة دول بدرس الموسيقى هنا في الكونسيرڤاتوار ولما كان يدخل علينا فنان مشهور كنا بنفرح أوي وبيبقى عندنا حالة ذهول وكنت بقول يارب في يوم من الأيام أكبر وأنجح وادخل نفس الدخل دي وانا فنان مشهور واشوف نفس النظرة الجميلة دي في عيون التلاميذ والأستاذة».

وتابع: «الحقيقي إني لما دخلت عليهم شفت نظره أكبر بمليون مرة من اللي حلمت بيها، نظرة حب وبكاء ومثل أعلى واسأله كتير منهم عن مشواري وفضلت يوم كامل اثناء التصوير بحكيلهم وبشجعهم، واتمشينا في كل مكان جوه المعهد درست فيه ولعبت فيه هقول حاجة وكل واحد يقيسها على مجاله ؟ أكتر حد فيكوا هيحب النظره والمعنى اللي في الصوره وهيتمناه وهيتعب له، هو اول واحد هيوصله بس كدا.. نهاركم جميل زيكم».

قد يعجبك ايضا
اترك رد

لن يتم نشر عنوان بريدك الإلكتروني.